抗癌男友跪地求婚 邱芷微感動灑淚
《愛回家》「賈名媛」邱芷微(Chelffy)昨日在社交網公佈喜訊,接受男友、武打演員陳志忠(Wilson)求婚。兩人愛情長跑十年,期間先後受病痛折磨,真是患難見真情。
邱芷微(Chelffy)在《愛回家之開心速遞》中飾演「賈名媛」。(TVB截圖)
Wilson于2020年患胃癌,切除7/8胃部,前年完成化療。而邱芷微四年前患上類風濕關節炎,兩人一直互相扶持,共渡難關。邱芷微在接受《娛壹》訪問時表示:「都幾驚喜及感動,冇諗過佢求婚會咁感性,仲敢喺咁多人面前唱兩首歌。結婚應該下年年頭擺酒,但要同家人傾細節先決定日子。」
邱芷微提到,因為食緊生物製劑,所以造人計劃要先同醫生傾好再定。「我同佢一齊咗10年,經歷咗好多嘢,佢而家身體好健康,食嘢仲多過我,所以唔覺得佢曾經患病冇咗個胃。」
《愛回家之開心速遞》中飾演賈名媛的邱芷微Chelffy, 6月30日獲拍拖多年的男友陳志忠(Wilson)以巨鑽戒指求婚。
甜酸苦辣 共渡十年
現年36歲的邱芷微,憑《愛回家》成功入屋。她貼上男友求婚過程並寫道:「非常驚喜的一個下午!I SAID YES ❤️❤️❤️? 我完全冇諗過Wilson會在星元素五周年Party中,在咁多賓客、家人、學生及家長見證下求婚。成日話佢功夫佬正正直直,但估唔到Wilson都有浪漫的一面,原來佢籌備咗個幾月。」
兩人于2014年認識,拍拖十年,經歷了甜酸苦辣。「真係唔容易,但令我們互相成長,互相包容,從而邁向人生另一階段。❤️❤️ Thank you Wilson ❤️ 感謝你。」
驚喜求婚 感動全場
Wilson曾拍Viu劇《反起跑線聯盟》,5年前創立星元素演藝學院。昨日下午,他趁學院五周年慶典,在親友、學員及家長的見證下,拿著鮮花與鑽戒向邱芷微跪地求婚。滿臉淚水的邱芷微哽咽說「我願意」,全場掌聲歡呼,場面感人。
Wilson寫道:「She said yes ??,人生終于可以進入另一個新階段,好興奮好開心。
為了給女友一個驚喜,Wilson花盡心思揀求婚日子。「我偷偷上網了解,發現6月30日代表向愛人表達愛意,而且今年是大吉日。好似冥冥中有安排,今日所有事情都非常順利。多謝兄弟秘密團隊協助,令我可以順利求婚。」
讓我們再次恭喜他們!
文章未完,點擊下一頁繼續
下一頁